Bota

U arratis dy herë nga burgu, pamjet e papublikuara të El Chapo-s


               Publikuar në : 18:05 - 19/02/20 |
Opi Nion

Në mediat botërore është shpërndarë një video ku shfaqet El Chapo duke dhënë intervistë për jetën e tij. Sipas të dhënave, kjo video është regjistruar në vitin 2016, kohë kur ai u arrestua nga autoritetet.

Në atë kohë, El Chapo njihej si i burgosuri numër “3870”, ndër drejtuesit e drogës në Meksikë. Pamjet, të marra për herë të parë nga faqja e internetit e lajmeve Latinus, tregojnë Guzman duke iu përgjigjur një seri pyetjesh në burgun Altiplano, një burg i sigurisë së lartë në Meksikë.

Joaquin “El Chapo” Guzman deklaron se është një fermer, ndërsa kur e pyesin se kush është gruaja, shprehet se është martuar me Alejandrina Salazar, ndërsa jeton me Emma Coronel , raporton Reuters. Guzman është treguar duke nënshkruar dokumentet ndërsa ishte i veshur me një bluzë ku mbishkruhej numri “3870”.

Në video duket momenti kur Guzman qethet dhe i priten mustaqet. Ai më pas kontrollohet, përpara se të futet në qelinë e tij.

El Chapo është arratisur dy herë nga i njëjti burg, duke poshtëruar autoritetet meksikane, pasi kishte hapur një tunel mbi 1 kilometër të gjatë. Në vitin 2017, El Chapo u ekstradua në Shtetet e Bashkuara ku u dënua për 10 akuza në lidhje me trafikimin e lëndëve narkotike dhe vrasjes. / Opinion.al

Pas