Sekretari amerikan i Shtetit, Mike Pompeo, ka vizituar Arabinë Saudite ku do të bisedojë me Mbretin Salman dhe djalin e tij, Princin e Kurorës, Mohamed bin Salman si dhe ministrin e Jashtëm, Faisal bin Farhan.
“Ne do të kalojmë shumë kohë duke folur për çështjet e sigurisë dhe në veçanti për kërcënimin nga Republika Islamike e Iranit”, u tha Pompeo gazetarëve në kryeqytetin e Etiopisë, para se të nisej për në Riad.
Pompeo tha se Shtetet e Bashkuara janë “të gatshme për të biseduar në çdo kohë” me Iranin, por theksoi se regjimi iranian “duhet të ndryshojë rrënjësisht sjelljen e tyre”.
“Fushata e presionit vazhdon. Nuk është vetëm një fushatë e presionit ekonomik, por edhe e izolimit diplomatik”, tha ai./Opinion.al
KOMENTO (0)
