Bota

Nën hijen e Holokaustit,ditari sekret i një vajze polake botohet këtë muaj


               Publikuar në : 14:55 - 11/09/19 |
el ida

Ditari sekret i adoleshentes polake të vrarë nga nazistët më 1942, Renia Spiegel, pritet të publikohet pas 70 vjetëve prej kur ka mbetur i paprekur në një kasafortë bankare.

“Ditari i Renias, jeta e një vajze të vogël në hijen e Holokaustit,” pritet të publikohet në Britani më 19 shtator nga anëtarët e familjes së saj, ndërsa është krahasuar vazhdimisht me ditarin e Anna Frankut.

Motra e saj Elizabeta është shprehur se e ka lexuar vetëm pak librin sepse ka qarë tërë kohën, ndërsa e kujton motrën e saj si “vajzë shumë të qetë”.

Renia Spiegel nga Przemysl, në juglindje të Polonisë, e ka nisur ditarin kur ishte vetëm 15-vjeçare, ndërsa që në faqet e para përshkruan torturat dhe mënyrat si është fshehur për t’iu ikur nazistëve.

Ajo u vra në korrik të vitit 1942, në moshën 18-vjeçare, pasi ushtarët gjermanë kishin gjetur shtëpinë ku ajo ishte fshehur./Opinion.al

Pas