Aktualitet

Në ditën e 9-të të zjarrit, vazhdon të digjet Karaburuni


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 04/08/21 |
Opi Nion

Pas 9 ditëve nën pushtetin e flakëve, pjesa me e madhe e vatrave te zjarrit ne Gjirokastër janë vënë nën kontroll. Por mesditën e së mërkurës u riaktivizuan 3 prej tyre. Alarmi i Kuq mbetet ende për zjarrin në Gadishullin e Karaburunit, i cili po përparon drejt Parkut të Llogarasë.

Për fat të mirë gjatë natës është mundur të shuhet zjarri që rrezikonte bazën ushtarake të Pashalimanit dhe ai në afërsi të banesave në fshatin Dukat i ri. Por shqetësimi mbetet i lartë për vatrën aktive në pjesën e sipërme të Dukatit që kërcënon pyllin e Llogarasë. Për situatën e vështirë me zjarret, Ministri i Mbrojtjes Niko Peleshi thotë se jo vetëm ka përgjegjës, por disa prej tyre janë ndaluar.

“Kemi emra, kemi arrestime, për disa ka prova edhe vatrat sa më herët të lajmërohen aq më mirë është. Edhe për zjarrin e Karaburunit kemi emra, kam marr garanci dhe nga ministri i Brendshëm që do të ketë ndalime. Janë ndaluar tre veta, ka të dhëna të mjaftueshme për të vërtetuar që zjarret janë të qëllimshme.”

Ndërsa nga Gjirokastra drejtori i Agjencisë Kombëtare për Mbrojtjen Civile thotë se është bërë evakuimi i plotë i banorëve që rrezikoheshin.

 “Është bërë evakuimi i banorwve, janë prekur 7 fshatra nga zjarri…”

Aktualisht po punojnë 3 helikopterë për neutralizimin e flakëve, ndërsa forcave shqiptare pritet t’ju bashkohet edhe një ekip i specializuar nga Holanda

Emergjencat Civile kanë raportuar edhe për disa vatra të tjera zjarri si në fshatin Cukal në Vaun e Dejës, në Fushë Arrëz, në Selishtë të Dibrës, Zogas të Skraparit dhe Labinot Mal në Elbasan./ Tv Klan

Pas