Kryesore

Moti i keq në të gjithë vendin, ISHP këshilla të rëndësishme për shqiptarët


Bëhu pjesë e Grupit Zyrtar të Opinion.al
>> KËTU <<
               Publikuar në : 12:10 - 23/01/22 |
Opi Nion

Vendi ynë është mbërthyer nga mot i ftohtë me temperatura tepër të ulëta. Ndërsa meteorologët kanë paralajmëruar temperatura deri në -12 gradë C në zonat malore, duke e bërë të vështirë lëvizjen për shumë qytetarë shqiptarë.

Nisur nga temperaturat e ulëta që kanë përfshirë vendin, Instituti i Shëndetit Publik ka dhënë disa këshilla për qytetarët që do të duhet të qëndrojnë në mjedise të jashtme dhe të ftohta.

Përmes një postimi në rrjeti social “Facebook”, ISHP iu jep këto këshilla shqiptarëve:

Çfarë duhet të keni parasysh kur qëndroni në mjedise të jashtme dhe të ftohta?

-Përdorni veshje të ngrohta, pulovra të trasha, xhupa rezistentë ndaj erës dhe shiut, kapele, doreza, këpucë kundër ujit.

-Hidhni rërë ose materiale të tjera të rekomanduara në zonat ku ka ngricë.

-Lexoni rregullat e sigurisë për ambientet e jashtme.

-Lëvizni ngadalë kur kryeni punë dhe detyra në ambiente të jashtme.

-Dilni të shoqëruar dhe merrni një kuti të ndihmës së shpejtë kur merrni pjesë në aktivitete të jashtme.

-Mos harroni të merrni celularin”,-shkruhet në postimin e ISHP-së./Opinion.al

Pas