Rajoni

Ministri Serb: Bisedimet me Kosovën, në SHBA do jenë shumë të vështira


Bëhu pjesë e Grupit Zyrtar të Opinion.al
>> KËTU <<
               Publikuar në : 13:54 - 28/08/20 |
el ida

Bisedimet e ardhshme ndërmjet Prishtinës dhe Beogradit në Uashington, do të jenë shumë të vështira. Kështu ka deklaruar, ministri i Mbrojtjes i Serbisë, Aleksandar Vullin.

Takimi ndërmjet presidentit të Serbisë, Aleksandar Vuçiç, dhe kryeministrit të Kosovës, Avdullah Hoti, është parashikuar të mbahet në Uashington më 4 shtator.

“Çdo takim i tillë është jashtëzakonisht i vështirë, nuk ka asnjëherë diçka të këndshme, ju bisedoni me njerëzit për të cilët e dini se sinqerisht e urrejnë popullin tuaj dhe vendin tuaj dhe që kanë vetëm një interes, dhe kjo është që t’ju dëmtojnë disi. Por, ju duhet të flisni”, tha Vullin.

Siç theksoi ai, fuqitë e mëdha kanë gjithmonë agjendën e tyre dhe nuk i kushtojnë shumë vëmendje “asaj që të vegjlit mendojnë, se a i lëndon diçka apo i bën të lumtur”.

Më 4 shtator, ndërkaq, Hoti dhe Vuçiç pritet të takohen në Uashington, me ftesë të këshilltarit për Siguri Kombëtare të SHBA-së, Robert O’Brein. Bisedimet midis Kosovës dhe Serbisë kanë për synim normalizimin e marrëdhënieve midis dy vendeve./Opinion.al

Pas