Në komunikimin e tij të përjavshëm me mediat, presidenti Ilir Meta ngriti shqetësimin e gjyqeve të humbura në Gjykatën e Arbitrazhit nga shteti shqiptar të cilat tha se po shtojnë borxhin e ekonomisë shqiptare.
Ai ju referuar rastit të fundit të kompanisë KURUM e cila ka kërkuar 100 milionë euro dëmshpërmblim në arbitrazh nga shteti shqiptar.
Meta tha se prej dy muajsh i ka dërguar dy letra strukturave të shtetit ku kërkon llogari për përgjegjësit dhe përllogaritjen financiare të dëmit ekonomik por nuk ka marrë asnjë përgjigje.
“Dua të përqendrohem në një çështje shumë serioze. Po flas për rastin e një biznesmeni në Shqipëri që kërkon 100 mln euro dëmshpërblim nga shteti shqiptar dhe nga taksat e qytetarëve shqiptarë. Përfaqësia dhe mbrojtja e interesave të shqiptarëve, në gjykatat ndërkombëtare, është kthyer në një rrëezik për financat dhe stabilitetin ekonomik të vendit. Muajt e fundit kur ekonomia nuk po e merr dot veten nga tragjedia e tërmetit dhe pandemisë, dhe kur po rritet dita ditës niveli i borxh publik, një barrë të rëndë po shkak dhe papërgjegjshmëria e institucioneve publike, për mbrojtjen e interesave të shqiptarëve, përballë shoqërive koncesinare. Që në 13 korrik 2020 kur në media u bë publike shifra shqetësuese për çështjet e humbura, detyrimet që shkojnë 100 mln euro për një çështje, në mënyrë zyrtare i kam kërkuar avokaturës së shtetit të dhënat për procesin në gjykata ndërkombëtare. Numrin e çështjeve të fituara nga Shqipëria, numrin e çështjeve të humbura, dhe efektin financiar. Shpenzim administrativ për mbulimet e posteve të procesit.
Vendimi i arbitrazhit për këtë çështje evidenton veprime individuale të shtetit shqiptar. Deklaratat dhe veprimet e kryeministrit kanë patur rol thelbësor në gjykatën që ka penalizuar Shqipëinë. Pikërisht nevoja e tyre për të fshehur të vërte janë arsye që kanë çuar në mos dhënie të insformacionit te presidenti për disa muaj”.
Presidenti hodhi akuza të forta ndaj qeverisë dhe kryeministrit Rama, teksa ka deklaruar se zyrtarë të qeverisë janë të përfshirë në një veprimtari kriminale, që shkatërron financat e shtetit dhe që rrezikon të çojë vendin drejt një katastrofe financiare.
“Jam këtu si kryetar shteti për të paralajmëruar një veprimtari kriminale që shkatërron financat e shtetit dhe të ardhurat e çdo familjeje. Përveç krizës politike tërësisht artificiale, padyshim që mund të sjellin një situatë falimentim ekonomik e financiar. Janë shumë çështje që mund të penalizojnë Shqipërinë, edhe në shifra prej miliarda euro apo dollarësh. Ka dyshime për një lojë të dyfishtë korruptive të zyrtarëve të caktuar të qeverisë, që do të thotë që përfitojnë edhe nga kompania që merr apo trashëgon aktivitetin e investitorit, të cilit i zgjidhet kontrata, por bashkëpunojnë edhe me investitorin, i cili humbet kontratën në Arbitrazh, duke mos mbrojtur sic duhet interesat e shtetit shqiptar.
Në këtë mënyrë ne shkojmë drejt një katastrofe financiare. Ky është shqetësimi im i madh dhe i drejtë. Unë di të ndaj atë që është shtetërore, institucionale, zyrtare, nga ajo që mund të jetë politike apo personale. Nëse dikush mendon që interesat personale do t’i vendos mbi interesat kombëtare, duhet ta dijë që cdo firmë që hidhet në kundërshtim me Kushtetutën, ligjet, me pasojat për financat e vendit, mbetet dhe secili do të mbajë përgjegjësi. Zotëria në fjalë ja ka marrë dorën, se nuk firmos vetë, firmosin të tjerët në qeveri, edhe në Parlament, se rastet më skandaloze janë në Parlament. Por çdo zyrtar i qeverisë duhet ta dijë dhe ta mbajë mend mirë sot se për cdo firmë do të mbajë përgjegjësi, sepse ndryshe ky shtet shembet”, tha Meta./ Opinion.al
