Kryesore

Meta ngre zërin: Proces i paracaktuar! Iu thash diplomatëve të korruptuar


               Publikuar në : 21:06 - 13/11/19 |
Geljano Fataj

Kreu i Shtetit, Ilir Meta ka lëshuar akuza të ashpra në lidhje me procesin e përzgjedhjeve të anëtarëve të rinj që do të plotësonin vakancat e krijuara në Gjykatën Kushtetuese.

Presidenti tha se për çdo vakancë duhet të kishte 3 emra të ndryshëm dhe jo të qarkullonin të njëjtët. Sipas tij ky është një proces i paracaktuar.

“Për çdo vend duhet të kishte emra të ndryshëm dhe jo të njëjtët emra për 4 vende. Ky është një proces i paracaktuar. Nuk janë të paktë kandidatët që janë skualifikuar me motive të dyshimta. Nuk i kemi bërë publike këto gjëra sepse nuk donim ta prishnim këtë proces”, tha Meta.

Duke ngritur tonin e zërit, Meta zbuloi marrëveshjen politike për procesin e Vettingut, që sipas tij, ua kishte thënë edhe disa diplomatëve të korruptuar, dhe që ishte se Gjykata Kushtetuese nuk do të mbyllet asnjë ditë, nëse kalon në Vetting. Sipas tij, mbyllja e këtij institucioni ishte i qëllimshëm.

“Të ndërtosh një proces me kaq shumë probleme dhe të përpiqesh ta banalizosh me histori të tilla, aq më tepër kur bëhet fjalë për ndërtimin e Gjykatës Kushtetuese, që s’duhet të kishte qenë e mbyllur asnjë ditë, dhe kjo ka ndodhur qëllimisht, ua kam thënë njëmijë herë, edhe diplomatëve të korruptuar. U kam thënë se ne kemi bërë një marrëveshje, kur kemi vendosur që Gjykata Kushtetuese të kalonte në Vetting, se ajo nuk do ngelej asnjë ditë e mbyllur. Mund të kishte vakanca, por jo zero anëtarë. Nuk ka ndodhur kjo situatë prej Vettingur, por se në krye të KED erdhi një ushtarë i verbër i partisë. KED e parë u bllokua se nuk iu pëlqyen emrat, pastaj u vendos një ushtar i partisë, që vë në pozitë Presidentin, që ose të shkelë Kushtetutën me pahir, ose me lojëra të tillë të turpshme, që as ca fëmijë rrugeçër nuk i bëjnë. Kjo është e vërteta”, deklaroi Meta./ Opinion.al

Pas