Politikë

Zgjedhje në Shkodër dhe Vorë? Meta: S’kam frikë nga shkarkimi


               Publikuar në : 21:27 - 13/11/19 |
Opi Nion

Ngritja e Gjykatës Kushtetuese ka krijuar një ngërç të ri mes Presidencës dhe Qeverisë.

Në një dalje për mediat, presidenti Ilir Meta ka folur në lidhje me veprimet e tij në lidhje me këtë çështje, si dhe për kompetencat që atij ia lejon Kushtetuta, duke theksuar se nuk ka bërë asnjë shkelje ligjore për emërimet e anëtarëve për Gjykatën Kushtetuese.

Meta përsëriti se ai do të jetë në detyrë deri më 24 Korrik 2022, kohë në të cilën i përfundon ligjërisht mandati. Meta theksoi se Bundestagu do të njoftohet për të gjithë procesin e ngritjes së Gjykatës Kushtetuese.

“Deri në 24 Korrik 2022 do të jem në krye të institucionit të Presidentit me dorën në Kushtetutë. Nuk ka asnjë përplasje të Presidentit me askënd. Ka një vullnet sistematik të vendosur, të presidentit për të bashkëpunuar me KED-në si organ administrativ të bëjë të gjitha veprimet kolegjiale. Do të njoftohet i gjithë Bundestagu për këtë proces dhe të gjitha vendet mike dhe partnere. Presidenti ka ofruar bashkëpunim dhe i tha parlamentit të lutem bëj detyrën. Nuk kam iluzione, deri në 24 korrik” tha Meta.

Presidenti është pyetur dhe në lidhje nëse do të dekretojë një datë të re zgjedhjesh për Shkodrën dhe Vora, të cilat aktualisht janë pa kryetar bashkie pasi u larguan se kishin shkelur ligjin e dekriminalizimit.

Në lidhje me këtë çështje Meta tha; “Presidenti ishte sot këtu për t’iu treguar se nuk ka gjë më të rëndësishme gjatë këtyre dy vite, dhe një vit si kryetar Kuvendi. Kemi çështje më të rëndësishme ndërtimin e Gjykatës Kushtetuese sipas Kushtetutës“./ Opinion.al

Pas