Aktualitet

Megapharma, kompania për të cilën PS dhe PD akuzojnë njëri- tjetrin , sa herë janë në opozitë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:55 - 08/11/15 |
b.f

Në shkurt të vitit 2013, në web site-n e Partisë Socialiste publikohet lajmi me titull: “Megapharma” fsheh korrupsioin e 2 ministrave. Lajmi i referohet interpelancës me Ministrin e Shëndetësisë dhe fjalës së deputetit të PS-së Eltar Deda, I cili në këtë seancë ka akuzuar ministrin e atëhershëm të shëndetësisë Petrit Vasili, se fituesit e tenderave në spitale bëhen sipas preferencave të tij klientaliste. “Deputeti Deda, përmendi kompaninë Megapharma, e cila sipas tij është fituesja e tenderave në spitale. Më tej Deda theksoi se kjo kompani fsheh “korrupsionin e 2 ministrave”.

“Pronari “Megafarmës” është një zotëri i cili quhet Rasim Hamzaraj dhe Rasim Hamzaraj është ai njeri i cili ka blerë pasurinë e ministrit tjetër të kësaj qeverie z. Dritan Prifti dhe me një pasuri prej 1.8 mln euro”, bëhet e ditur në lajmin e postuar në faqen e Partisë Socialiste.

Si është e mundur, që sot për të njëjtën kompani, socialistët kthehen nga akuzues në të akuzuar? Kush qëndron realisht pas “Megapharma” dhe përse deputeti I atëhershëm I PS-së Eltar Deda, akuzonte ministrin e LSI-së, Petrit Vasili?

Më poshtë, po sjellim diskutimin e deputetit Deda gjatë interpelancës me ministrin Vasili, shkëputur nga faqja e partisë socialiste, www.ps.al.

Fjala e deputetit socialist Eltar Deda, shkurt 2013

Qëndroni i qetë mbasi thoni që jeni i pakorruptuar, jeni jashtë aferave klienteliste. Unë thashë një diçka e cila është e vërtetë, një realitet i cili preket nga të gjithë shqiptarët. Por jo më kot termi i një kompanie farmaceutike, e distributorit që përmenda unë, si duket juve ju nxehu dhe ju arritët deri në atë pikë sa të flisnit jashtë çdo norme duke përmendur terma të tillë.

Unë mund t’ju them se “Megafarma” është një kompani farmaceutike, distributor farmaceutik, i cili është vetë i familjes suaj dhe drejt kësaj kompanie dhe drejt këtij distributori janë adresuar të gjitha tenderat dhe prandaj është ndaluar shpallja dhe lidhja e kontratave të këtyre kompanive. Dhe jo më kot e theksova këtë mbasi na rezulton se edhe pronari “Megafarmës” është një zotëri i cili quhet Rasim Hamzaraj dhe Rasim Hamzaraj është ai njeri i cili ka blerë pasurinë e ministrit tjetër të kësaj qeverie z. Dritan Prifti dhe me një pasuri prej 1.8 mln euro.

Po kështu meqenëse z. Ministër thotë që nuk ka klientelizëm unë mund t’ju them se vetëm në tenderin që është bërë në Spitalin Psikiatrik të Vlorës, në një shumë prej 57 mln lekësh të reja, një medikament “Loraxefan” janë të Medifarmës, zë 50% të buxhetit. Dhe e dini kush e drejton këtë? E drejton familja e Drejtorit të Politikave në Ministrinë e Shëndetësisë, i cili i përket partisë suaj.

Po kështu unë thashë që keni venë barna të paregjistruara nëpërmjet lejeve të importit. Unë do t’jua vë në dispozion herës tjetër kur jua thërras në interpelancë. Dhe sa për atë çfarë thatë, më vjen shumë keq, ju keni deklaruar që kur të bëheni ministër do të gjeni lapsin për të shëruar opozitën, por mesa po e shoh ju keni nevojë dhe duhet që të gjeni lapsin për të shëruar veten tuaj.

KOMENTO (1)

Shkruaj nje koment

Pas