Aktualitet

Media turke: Prokuroria kërkon deri në 10 vite burg për Sinan Idrizin


Bëhu pjesë e Grupit Zyrtar të Opinion.al
>> KËTU <<
               Publikuar në : 18:03 - 02/06/20 |
Al Do

Prokuroria në Turqi ka përfunduar hetimet ndaj Sinan Idrizit dhe ka kërkuar që ai të dënohet 3 deri në 10 vite burg për “mashtrim”.

Lajmi raportohet në mediat turke. Aksioneri i kompanisë ajrore “Air Albania” dhe njëkohësisht administratori i klubit të Flamurtarit, Sinan Idrizi akuzohet nga biznesmeni turk Adnan Polat se ka mashtruar këtë të fundit.

Sipas lajmit të raportuar në karsmanset.com, Idrizi akuzohet nga prokuroria se ka mashtruar biznesmenin Polat kur është tentuar shitja e kompanisë GFI Albania sh.p.k.

Aksioneri i “Air Albania” thuhet se i është ofruar Polat për t’i shitur kompaninë. Kjo e fundit është vlerësuar 17 milionë dollarë, nga të cilat 3 milionë e 500 mijë do të parapaguheshin nga blerësi teksa kompania do t’i nënshtrohej një kontrolli sa i përket bilanceve të saj dhe sigurisë.

Si garanci për procesin thuhet se është zhvilluar një takim mes Idrizit, Polat dhe kryeministrit Edi Rama në 3 nëntor 2016. Më 24 nëntor 2016 palët kanë nënshkruar “Kontratën e Karzit” dhe u deklarua se Polat depozitoi 3 milion 500 mijë dollarë në llogarinë e Idrizit.

Megjithatë kompania rezultoi të kishte probleme gjatë kontrollit kështu që marrëveshja nuk shkoi më tej. Por Polat pretendon se atij nuk i janë kthyer paratë dhe se në këtë proces Idrizi ka përdorur emrin e kryeministrit Rama për ta bërë të besueshme kompaninë e tij.

I dyshuari Sinan Idrizi u kërkua të dënohej me 3 deri në 10 vjet burg për “mashtrim të kualifikuar”. Aktakuza u dërgua në Gjykatën e Assize të Stambollit. Nëse aktakuza pranohet, i dyshuari Idrizi do të paraqitet para gjykatësit në ditët në vijim. /Opinion.al

Pas