Rajoni

Me Covid/Vajza e ish-deputetit grek në gjendje kritike, lind fëmijën me cezariane


Bëhu pjesë e Grupit Zyrtar të Opinion.al
>> KËTU <<
               Publikuar në : 17:15 - 29/11/21 |
Opi Nion

Parthena Koutmeridou, vajza e ish-deputetit të PASOK, Stathis Koutmeridis, është në gjendje kritike dhe ndodhet e shtruar në ICU të “Agios Loukas” Selanik.

Mediat greke raportojnë se mjekët kanë arritur t’i shpëtojnë fëmijën me prerje cezariane, ndërsa në rrjetet sociale është bërë një apel për të dhuruar gjak për 38-vjeçaren.

Parthena Koutmeridou, me profesion juriste, nuk ishte vaksinuar, ndërsa ishte diagnostikuar me Covid-19 në muajin e 7 të shtatzënisë.

Mjekët arritën t’ia nxjerrin fëmijën me prerje cezariane dhe tashmë po luftojnë për të nxjerrë jashtë rrezikut nënën, e cila po trajtohet me insuficiencë respiratore.

Babai i saj dhe ish-deputeti i PASOK-ut, Stathis Koutmeridis, duke folur për mediat greke, tha se vajza e tij, pasi u konsultua me gjinekologun, e shtyu vaksinimin për dy muaj, deri sa të lindte.

Ndërsa bashkëshorti i saj po apelon në rrjetet sociale për gjak, duke iu bërë thirrje qytetarëve, pasi 38-vjeçarja ka nevojë emergjente për transfuzion gjaku./Opinion.al

Pas