Sociale

Mblidhet për herë të parë forumi i profesionistëve të rinj


Bëhu pjesë e Grupit Zyrtar të Opinion.al
>> KËTU <<
               Publikuar në : 12:31 - 11/01/22 |
el ida

Rrjeti i Profesionistëve të Rinj, zhvilloi për herë të parë në Shqipëri, Forumin Vjetor të Profesionistëve të Rinj “Transformimi Digjital, Domosdoshmëri për Formësimin e së Ardhmes” me synim rritjen e kontributit të profesionistëve të rinj shqiptarë në politikë-bërje, si vazhdimësi e disa zhvillimeve të rëndësishme politike dhe botërore.

Drejtore Ekzekutive e Rrjetit të Profesionistëve të Rinj, Françeska Muço tha gjatë fjalës së saj që ky forum do të jetë një kontribut i përvitshëm i profesionistëve të rinj në politikëbërjen shqiptare, jo vetëm me qëllim rritjen e pjesëmarrjes së tyre në jetën politike të vendit por edhe ç’mitizimin e politikës. “Politikat janë për ne dhe duhet të orientohen nga kontributi ynë”, u shpreh ajo.

Gjatë forumit u vendos një kuptim i përbashkët dhe informues për agjendën digjtale dhe më pas këto informacione u shërbyen profesionistëve të rinj në punën me grupe. Nën moderimin e ekspertes, Yllka Sela, sesioni i parë më temë “Agjenda Digjitale në Nivel Kombëtar dhe Rajonal”, u hap nga fjala e Zevëndës Drejtoreshës së UNICEF, Edina Kozma, e më pas vazhdoi me përfaqësuesen nga Zyra Rajonale për Bashkëpunim Rinor (RYCO), Flutura Brakaj, duke u mbyllur nga Drejtoresha e Drejtorisë së Inovacionit dhe IPA Sektoriale e-Gov, Agjencia Kombëtare e Shoqërisë së Informacionit, Romina Kostani.

E pranishme ishte dhe Ministrja për Fëmijët dhe Rininë, Bora Muzhaqi e cila është dhe në ngarkim për zhvillimin e strategjisë së Rinisë 2022-2029.

Pjesë e rëndësishme e forumit ishte puna me grupe ku profesionistë të rinj, studentë, përfaqësues të organizatave që merren me profesione dhanë kontributin e tyre në zhvillim e një dokumenti rekomandimesh për “Strategjinë e Rinisë 2022 – 2029” bazuar në katër prioritete të rëndësishme për cilësinë e jetës të  tyre si: Aksesi në të dhëna; Siguria Kibernetike; Prioritetet e Rinisë në Inovacion dhe Edukimi Digjital.

 

Pas