Autori i masakrës ku mbetën të vrarë 51 njerëz në dy xhami në Zelandën e Re në vitin 2019 kishte në plan të sulmonte një xhami të tretë. Kjo është zbuluar gjatë dëshmisë së tij në gjyq.
Brenton Tuarant kishte planifikuar të digjte xhamitë, duke dashur të “shkaktojë sa më shumë viktima”.
Australiani ka pranuar fajësinë për 51 akuza për vrasje, 40 përpjekje për vrasje dhe një akuzë për terrorizëm.
29 vjeçari, përballet me burg të përjetshëm, ndoshta pa kusht lirie, një dënim që nuk ishte dhënë kurrë më parë në Zelandën e Re.
Ai u përball me të mbijetuarit dhe të afërmit e viktimave në gjyq të hënën.
“Ju i dhatë vetes autorizimin për të marrë jetën e 51 njerëzve të pafajshëm, krimi i tyre i vetëm – në sytë tuaj – ishte se ishin muslimanë,” tha Maysoon Salama, djali i të cilit u vra gjatë sulmit.
Sulmet, pjesë të të cilave Brenton Tuarant i transmetonte live në internet, tregonin atë duke hapur zjarr në dy xhami në Christchurch më 15 mars të vitit të kaluar.
Sulmi dërgoi valë shoku në të gjithë botën dhe bëri që Zelanda e Re të bënte ndryshime të shpejta në ligjet e saj për armë. /Opinion.al
