Bota

Bolsonaro kërcënon gazetarin: Dua të të fus një grusht turinjve


Bëhu pjesë e Grupit Zyrtar të Opinion.al
>> KËTU <<
               Publikuar në : 13:53 - 24/08/20 |
Al Do

Presidenti brazilian Jair Bolsonaro është kapur në kamera duke kërcënuar se do të godasë një reporter në fytyrë, pasi u pyet për dyshimet e korrupsionit në familje.

Bolsonaro, i cili ishte duke vizituar Katedralen Metropolitane në Brasilia kur një grup gazetarësh e takuan jashtë.

Gazetari i “O Globo” po kërkonte një koment nga Presidenti për depozitat e pretenduara të bëra nga një ish ndihmës i djalit të madh të Bolsonaro, Senatorit Flavio Bolsonaro, në një llogari bankare që supozohet se i përkiste zonjës së parë Michelle Bolsonaro.

Presidenti Bolsonaro ishte duke qëndruar vetëm hapa larg nga Katedralja dhe i tha reporterit: “Dua të të fus një grusht turinjve, dakord?”

Kur CNN pyeti zyrën e Presidentit Bolsonaro në lidhje me incidentin, zëdhënësi i tij nuk pranoi të komentojë.

Në fillim të gushtit, revista braziliane Crusóe publikoi një raport i cili pretendonte se Fabrício Queiroz, ish-ndihmësi i djalit të madh të Bolsonaro, transferoi rreth 72,000 realë brazilian (12.800 dollarë) në llogarinë e Michelle Bolsonaro midis 2011 dhe 2016.

Queiroz aktualisht është nën arrest shtëpie si rezultat i një hetimi të vazhdueshëm të korrupsionit që përfshin djalin e Bolsonaro. Presidenti Bolsonaro nuk ka komentuar këto pretendime të fundit.

Familja Bolsonaro po përballet me hetime të ndryshme, përfshirë një skemë të pretenduar korrupsioni që përfshin Flavio Bolsonaro në Asamblenë Legjislative të Shtetit Rio de Janeiro.

Gjykata Supreme e Brazilit ka hapur gjithashtu një hetime mbi dy djemtë e Bolsonaro, Carlos dhe Eduardo, për përhapjen e lajmeve të rreme në internet. Hetimet e tjera kanë bëjnë me përfshirjen e pretenduar të familjes në protesta dhe ndërhyrjen e supozuar në emërimin e drejtorit të Policisë Federale të Rio de Janeiro për të ndaluar hetimet kundër Queiroz.

O Globo, një nga kompanitë kryesore të lajmeve në Brazil, dënoi veprimet e Bolsonaro kundër gazetarit në një deklaratë të botuar të dielën, disa orë pas incidentit.

“GLOBO kundërshton agresionin e Presidentit Jair Bolsonaro kundër një reporteri të gazetës, i cili thjesht po bënte punën e tij, në një mënyrë krejtësisht profesionale”, thuhet në deklaratë.

Shoqata Kombëtare e Gazetarëve në Brazil gjithashtu lëshoi ​​një deklaratë. “Është për të ardhur keq që edhe një herë presidenti reagon në mënyrë agresive dhe ndaj një pyetje të një gazetari. Ky qëndrim në asnjë mënyrë nuk kontribuon në demokracinë dhe lirinë e shtypit të parashikuar në Kushtetutë”, thuhet në deklaratë./ Opinion.al

Pas