Aktualitet

Manja:Kërkojmë konsensusin e opozitës për të zgjatur mandatin e vettingut


Bëhu pjesë e Grupit Zyrtar të Opinion.al
>> KËTU <<
               Publikuar në : 14:30 - 16/09/21 |
Opi Nion

Ministri i Drejtësisë, Ulsi  Manja ka deklaruar se reforma në drejtësi do të jetë ndër prioritetet kryesore të qeverisë Rama 3.

Gjatë prezantimit të objektivave për dikasterin që ai mbulon Manja tha se në vitin 2022 mbaron mandati i anëtarëve të Vettingut dhe do t’i kërkohet opozitës që të zgjatet mandati i tyre.

“Reforma në drejtësi dhe konsolidimi i sistemit të ri të drejtësisë do të vazhojë të jetë në top listën e qeverisë “Rama 3”. Mandati i  Organeve të Vettingut është mandat kushtetues. Kushtetuta e ka parashikuar qartë që mandati i anëtarëve të Vettingut, Komisioneri Publik dhe Kolegjin e Posaçëm të Apelimit, mandati i dy të parave, është 5 vjet nga dita e ushtrimit të funksionit, ndërsa KPA është përcaktuar 9 vjet. Referuar momentit kur kanë filluar ushtrimin e funksioneve mandati i tyre mbaron me 17 Qershor 2022. Janë 801 subjekte në total për t’u rivlerësuar. Ecuria e Vettingut është e tillë, 431 subjekte të vetuara dhe mbeten në proces 370 subjekte. Për të garantuar vijueshmërinë e procesit dhe për të ruajtur standardet e arritura ne jemi në komunikim edhe me bashkautorët tanë të reformës, SHBA dhe BE që ky proces të përfundohet nga organet e Vettingut. E thënë më qartë, ne do të kërkojmë edhe konsensusin e opozitës që mandati i anëtarëve të KPK dhe Komisionerit Publik të zgjatet deri në përfundim të procesit të Vettingut, pra deri në vettingut të plotë të subjekteve. E thashë në fillim të fjalës sime, ky është mandat kushtetues dhe kërkon ndërhyrje në Kushtetutë. Ne nuk i kemi votat e nevojshme për ta zgjatur mandatin e KPK dhe KP, por do të kërkojmë mirëkuptimin dhe konsensusin e opozitës, sepse mbarimi me sukses i procesit të Vettingut është garanci për të pasur një sistem drejtësie të garantuar”, tha Manja.

Pas