Aktualitet

Manastirliu: Përgatitemi ta ulim fashën e vaksinimit në + 60 vjeç


Bëhu pjesë e Grupit Zyrtar të Opinion.al
>> KËTU <<
               Publikuar në : 13:43 - 03/04/21 |
Opi Nion

Ministrja e Shëndetësisë Ogerta Manastriliu tha se është duke u përgatitur ulja e fashës së vaksinimit për personat e moshës mbi 60 vjeç.

“Jemi duke u përgatitur për të ulur fashën deri në plus 60 vjeç e do ndjekim planin e vaksinimit kombëtar e të vijojmë dhe me grupet e rriskut”, tha ajo.

Nga Vlora ku ndodhej për të ispektuar procesin e vaksinimit, Manastirliu tha ndër të tjera se qytetarët e moshës mbi 70 vjeç nëse nuk janë njoftuar për vaksinën nga mjeku i familjes, të drejtohen pranë qendrave shëndetësore për të kryer procesin.

“Qytetarët të cilët nuk kanë marrë akoma një njoftim nga mjeku i familjes vetëm me kartë identiteti mund të paraqiten pranë qendrave të vaksinimit. Gjithashtu portali e-Albania mundëson dhe aplikimin për të gjithë personat që nuk janë vaksinuar.

Të gjithë qytetarët mbi 70 vjeç që nuk janë njoftuar nga mjeku i familjes në të gjithë qendrat e vaksinimit mjafton që të paraqiten me kartë identiteti për t’u vaksinuar dhe do të regjistrohen nga mjeku që ndodhet në qendrën e vaksinimit. Mjeku i familjes është e rëndësishme që të vijojë me njoftimin e të gjithë qytetarëve të tij dhe të gjithë të jenë të informuar dhe asnjë të mos ngelë pa u njoftuar”, ka thënë Manastirliu./Opinion.al

 

Pas