Bota

Lufta në Ukrainë, thirrja e Johnson për Kinën


Bëhu pjesë e Grupit Zyrtar të Opinion.al
>> KËTU <<
               Publikuar në : 10:00 - 20/03/22 |
Opi Nion

Kryeministri i Mbretërisë së Bashkuar Boris Johnson i ka bërë thirrje Kinës që të dënojë pushtimin e Rusisë në Ukrainë.

Në një intervistë të dhënë për gazetën Sunday Times, Johnson tha se mbështetja e Rusisë ishte e ngjashme me zgjedhjen e anës së gabuar në Luftën e Dytë Botërore, duke e përshkruar atë si një betejë midis së mirës dhe së keqes.

“Me kalimin e kohës dhe me rritjen e numrit të mizorive ruse, mendoj se bëhet gjithnjë e më e vështirë dhe politikisht e turpshme për ata që miratojnë pushtimin e Putinit në mënyrë aktive ose pasive,” i tha ai gazetës.

Por ai tha se besonte se Pekini kishte filluar të kishte “mendime të tjera” lidhur me  pozicionin e tij neutral.

Kina ende nuk i ka dënuar veprimet e Rusisë dhe ka pasur raporte se Moska i ka kërkuar ndihmë. Të premten, presidenti amerikan Joe Biden paralajmëroi Kinën se do të kishte “pasoja” nëse i ofronte ndihmë Kremlinit.

Të shtunën, ministri i jashtëm kinez Wang Yi e quajti pozicionin që po mban vendi i tij “objektiv dhe të drejtë”, duke shtuar se ai nuk do t’i përgjigjet presionit të jashtëm për këtë çështje.

“Koha do të tregojë se qëndrimi kinez është në anën e duhur të historisë,” tha ai.

Pas