Politikë

LSI: Masakra elektorale, kallëzim penal për drejtoreshën e rilindjes


Bëhu pjesë e Grupit Zyrtar të Opinion.al
>> KËTU <<
               Publikuar në : 20:22 - 03/05/21 |
Opi Nion

Lëvizja Socialiste për Integrim përmes nënkryetares Erisa Xhixho ka akuzuar Partinë Socialiste për manipulim të rezultatit të zgjedhjeve të 25 Prillit.

Xhixho ka prezantuar edhe një video të bërë virale në rrjet, ndërsa tha se ajo është filmuar në KZAZ 31. “Kjo video që është filmuar në KZAZ numër 31, tregon qartë për shkeljen e ligjit. Sipas Kodit Zgjedhor asnjë numërues nuk duhet të disponojë stilolaps gjatë procesit të numërimit dhe jo më ta përdorë atë për të cënuar vullnetin e qytetarëve”, u shpreh Xhixho.

“Ditët në vijim do t’i paraqesim opinionit publik, fakte të tjera tronditëse që do të hedhin dritë mbi masakrën elektorale të 25 prillit të vënë në zbatim nga rilindja”, tha ajo.

Njëkohësisht LSI bëri me dije se në 29 Prill ka çuar kallëzim për rastin në fjalë.

“Teksa kanë kaluar një javë nga masakra elektorale e 25 prillit dhe kur i gjithë opinion publik pret reagimin e institucioneve të drejtësisë asnjë prej tyre nuk ka reaguar. LSI më 29 prill ka depozituar në organet e drejtësisë një kallëzim penal për një nga drejtoreshat e Rilindjes njëkohësisht dhe pjesë e shtabit elektoral të Partisë Socialiste në njësinë numër një. Zonja në fjalë ka konsumuar veprat penale 326 të Kodit Penal ‘Falsifikim i dokumenteve, rezultateve të zgjedhjeve’ dhe  326/A ‘Dëmtimi me dashje i materialeve zgjedhore”, tha Xhixho ndërsa shtoi se LSI ka ngritur një grup ekspertësh për të verifikuar 83 mijë votat e pavlefshme që kanë dalë në të gjithë vendin./Opinion.al

Pas