Aktualitet

Lista e Zaganit, reagon piloti i Katarit: Nuk kam lidhje me trafikun e drogës


Bëhu pjesë e Grupit Zyrtar të Opinion.al
>> KËTU <<
               Publikuar në : 22:29 - 09/11/15 |
b.f

TIRANE- I pari i në listën me 12 emra të pilotëve të denoncuar për trafik droge ka reaguar pas lajmit të publikuar në media. “Nuk jam i përfshirë në trafikun e drogës”, thotë Petritit Xhuveli në një reagim për Opinion.

Ai është kapiten në Katar dhe mohon çdo lloj lidhje të emrit të tij me trafikun e drogës. Dhe në fakt askush nuk mund të quhet fajtor vetëm e vetëm se ka emrin në atë listë. Janë organe të tjerë ato që akuzojnë dhe provojnë fajësinë.

Emisioni Opinion dhe më pas portali Opinion.al publikuan vetëm inicale të një liste të servirur nga Dritan Zagani për gazetarin Basir Collaku i cili ka realizuar edhe intervistën me të.

 Ish-shefi i antitrafikut, Dritan Zagani është shprehur se “kërkuam nga kolegu italian nese kishte shqiptare të pajisur me patente avioni. Ai na solli një listë me 12 emra. Ne po hulumtonim nese keta kishin lidhje me kete trafik ajror te droges”. Më pas Zagani është shkarkuar nga puna.

Sakaq media të tjera publikuan të plotë listën me emrat e pilotëve, mes tyre edhe Petrit Xhuvelit. Sot, në të parin reagim për mediat, piloti Xhuveli thotë se: “Unë jam i pari në atë listë dhe më besoni është shumë e rëndë ta lexoj prej kaq larg, si shpërdorohet emri im. Punoj si “Captain në Qatar Airways” dhe ju kuptoni që sa e rëndë është për mua të përmendem për një krim që nuk e kam bërë”.

Kujtojmë se pas denoncimit të Zaganit me zë dhe me figurë në emisionin Opinion të ditës së enjte (5 Nëntor) ka reaguar vetëm politika (PD dhe PS). Ende nuk ka asnjë reagim zyrtar nga policia dhe prokuroria për këto fakte që kërkojnë hetim.

*Bashkelidhur ne link lajmi i publikuar pak dite me pare lista e piloteve

KOMENTO (0)

Shkruaj nje koment

    Pas