Sport

Kush janë heronjtë shqiptarë të Francë 2016?


Bëhu pjesë e Grupit Zyrtar të Opinion.al
>> KËTU <<
               Publikuar në : 14:01 - 12/10/15 |
b.f

 

 

Pjesa më e madhe e tyre as që njiheshin 3 vite më parë. Ndaj ata mund të quhen edhe basti i fituar i Giani De Biasit. Në këtë listë nuk janë vetëm heronjtë që na dhanë kualifikimin në ndeshjen me Armeninë, por edhe ata që dhanë djersën e tyre në këto eliminatore të paharrueshme, emra si Andi Lila, Mergim Mavraj, Alban Meha, Ansi Agolli, Armando Sadiku, Ervin Bulku, Amir Abrashi, Burim Kukeli, Ergys Kace, Arlind Ajeti. Debatik Curri apo Hamdi Salihi

 

 

Etrit Berisha, portier, ka lindur në Prishtinë më 10 mars 1989. Nga viti 2009 deri më 2013 shtatlarti ka luajtur për ekipin e Kalmar në kampionatin suedez. Aty ku e evidentua nga zbuluesit e Kombëtares. Në vitin 2013 Berisha nisi debutimin me Kombëtaren e Shqipërisë duke zënë rol të pazevendëshëm në mes të shtyllave. Performancat e mira me Kombëtarën bënë që Berisha në sezonin 2013-2014 të kalonte te ekipi i Lazios në Serinë A italiane.

Elseid Hysaj, mbrojtës i djathte, ka lindur në Shkodër më 2 shkurt 1994. Nga viti 2011 deri me 2015 ka luajtur për ekipin e parë të Empolit në Serinë A italiane. Ndërsa këtë vit mbron ngjyrat e Napolit. Karrierën si Kuq e Zi e nisi më 6 shkurt 2013 në ndeshjen miqësore me Gjeorgjinë në Tiranë ku hyri si zëvendësues në minutën e 61.

Lorik Cana, mesfushor me tipare mbrojtëse, ka lindur në Gjakovë më 27 korrik 1983. Është i vetmi lojtar në 11-shen bazë të hedhur në fushë kundër Armenisë, që nuk i përket epokës De Biasi. Cana e nisi karrierën me Kombëtaren në vitin 2003 dhe numëron 87 përfaqësime më bluzën Kuq e Zi. Ai ka veshur bluzën e klubeve si Paris St German, Olimpik Marseije, Sunderland, Gallatasaray, Lazio dhe së fundi Nantë.

 

Berat Gjimshiti, mbrojtës, ka lindur në Zyrih më 19 shkurt 1993. Që nga viti 2011 luan me ekipin e parë të Zyrihut në kampionatin zviceran. Ishte autori i golit të dytë në ndeshjen me Armeninë në përfaqësimin e tij të tretë me bluzën e Kombëtares.

Naser Aliji, mbrojtës, ka lindur në Kumanovë më 27 dhjetor 1993. Aktualisht luan me ekipin Vaduz në kampionatin zviceran.

 

Ledian Memushaj, mesfushor, ka lindur në Vlorë, më 7 dhjetor 1986. Nga viti 2014 luan për ekipin e Peskarës në Serinë B italiane, ndërkohë që me Kombëtaren e Shqipërisë numëron 9 përfaqësime që nga viti 2010.

 

Migjen Basha, mesfushor, ka lindur më 5 janar 1987, në Lozanë të Zvicrës, nga prindër kosovarë me origjinë nga Suhareka. Basha i cili deri pak muaj më parë luante me Torinon në Serinë A, aktualisht luan me ekipin e Luzern në kampionatin zviceran, ndërsa është pjesë e kombëtares që nga viti 2013.

Taulant Xhaka, mesfushor, ka lindur në Bazel më 28 mars 1991. Aktualisht luan me ekipin e Bazel ne kampionatin zviceran. Ndërkohë që nga viti 2014 është pjesë e Kombëtares së Shqipërisë ku numëron 6 përfaqësime.

Odise Roshi, mesfushor, ka lindur në Fier më 22 maj 1991. Ai ka luajtur fillimisht me ekipin e Apolonisë së Fierit, për të kaluar më pas të Flamurtari i Vlorës dhe më tej në kampionatin gjerman. Aktualisht luan për ekipin Rijeka në kampionatin kroat. Ndërkohë që numëron 25 ndeshje me ekipin kombetar ku luan që nga viti 2011.

Shkëlzen Gashi, sulmues, ka lindur në Zyrih të Zvicrës më 15 korrik 1988. Aktualisht luan me ekipin e Bazelit në kampionatin zviceran, ndërsa numëron 8 ndeshje me ekipin kombëtar, ku vlen të veçohet goli që i dha fitoren Shqipërisë në ndeshjen me Armeninë në Elbasan Arena.

Sokol Çikalleshi, sulmues, ka lindur në Kavajë më 27 korrik 1990.  Aktualisht luan me ekipi Instanbul Basaksehir në kampionatin turk si edhe numëron 11 përfaqësime me Kombëtaren e Shqiperisë, ku është pjesë e saj që nga viti 2014.

KOMENTO (0)

Shkruaj nje koment

    Pas