Rajoni

Koronavirusi në Maqedoninë e Veriut, 6 viktima dhe 113 raste të reja


Bëhu pjesë e Grupit Zyrtar të Opinion.al
>> KËTU <<
               Publikuar në : 15:44 - 06/08/20 |
Opi Nion

Koronavirusi vijon të përhapet me ritme të shpejta në Maqedoninë e Veriut. Mësohet së në 24 orët e fundit kanë humbur jetën 6 persona, ndërsa janë konfirmuar 113 raste të reja. Ministria e Shëndetësisë deklaron se 113 rastet e reja kanë rezultuar nga gjithsej 1543 testime të realizuara.

Po ashtu, në harkun kohor të 24 orëve janë shëruar 259 pacientë që ishin infektuar me COVID-19. Në Shkup janë regjistruar 35 raste të reja, Kumanovë-12, Shtip-23, Prilep-1, Tetovë-5, Strugë-1, Manastir-7, Ohër-6, Gostivar-15, Koçani-2, Probishtip-1, Demir Hisar-2, Makedonski Brod-1, Valandovë-1, Vinicë-1.

Pesë pacientë kanë ndërruar jetë në kushte spitalore, kurse 1 pacientë ka ndërruar jetë në kushte shtëpiake. Tre viktima janë nga Shkupi, të moshës 64, 22 dhe 83 vjeçe. Një viktimë është nga Kumanova (72 vjeçar), viktima tjetër është nga Struga (48 vjeçar), si dhe një viktimë nga Ohri (75 vjeçar).

Duke shtuar statistikave të fundit, numri i personave të diagnostikuar me COVID-19 në Maqedoninë e Veriut shkon në 11399, numri i personave të shëruar është 7480. Gjithsej 517 persona kanë ndërruar jetë si pasojë e komplikimeve nga COVID-19, në disa raste të shoqëruara me sëmundje tjera. Për momentin në Maqedoninë e Veriut ka 3402 raste aktive me koronavirus./ Opinion.al

Pas