Bota

Fauci: Nuk mendoj se do të mund ta zhdukim koronavirusin nga planeti


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 06/08/20 |
el ida

Dr. Anthony Fauci, eksperti kryesor amerikan mbi sëmundjet infektive, u shpreh se bota nuk do të mund ta zhdukë koronavirusin. Ai shtoi se vaksina mund të ndihmojë vetëm për ta vënë atë nën kontroll.

“Nuk mendoj se do të mund ta zhdukim nga planeti ynë, sepse është një virus me transmetim tepër të lartë, saqë zhdukja duket e pamundur. Por ajo që mendoj se mund të bëjmë është të kombinojmë një vaksinë të mirë me vëmendje të shtuar ndaj masave të shëndetit publik. Nuk them se duhet të mbyllemi, por duhet të bëjmë kujdes”, tha ai gjatë një interviste për Reuters.

Fauci parashikoi se ka gjasa se pas vitit të ardhshëm, vendet do të arrijnë të kenë më shumë nën kontroll koronavirusin.

“Shpresoj dhe besoj që është e mundur që, pasi të kalojë viti 2021 dhe një tjetër cikël, do ta kemi nën kontroll. A ka mundësi që të mos ndodhë kjo? Sigurisht. Nuk do të ishte realiste të mos e thosha këtë. Por mendoj se do ta kemi shumë më tepër nën kontroll sëmundjen që nga ky dimër”, theksoi ai./Opinion.al

Pas