Aktualitet

Koncerti i Bregoviç, Rama: Sokëllijnë që paskam barazuar Dua Lipën me të


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 24/08/21 |
Opi Nion

Kryeministri, Edi Rama, ka reaguar sërish lidhur me koncertin e Goran Bregoviçit në qytetin e Korçës. Në një status në rrjetin social Facebook ai iu është përgjisjur kritikëve duke thënë se nuk e ka barazuar Dua Lipën me Goran Bregoviçin, por ka thënë se janë njësoj ata që shajnë e mallkojnë në serbisht apo në shqip artistët dhe sportistët.

Sipas tij, kjo histeri fashiste e turpëron shqiptarinë.

“NJË KOMENT PËR KOMENTET E KINSE PATRIOTËVE

Ashtu siç bënë Bregoviçin kriminel serb pa asnjë fakt, tani sokëllijnë që unë paskam barazuar Dua Lipën me të! Dhe histeria vazhdon por jo, unë nuk kam barazuar hiçfare Dua Lipën me Goran Bregoviçin, po kam thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip, artistët e sportistët me emër të palës tjetër! Histeri fashiste që as nuk e mbron, as e nderon, po vetëm e turpëron shqiptarinë, e cila s’mund të jetë kurrë shembëlltyrë e urrejtjes!”, shkruan Rama./Opinion.al

 

Pas