Aktualitet

Kim: SPAK të hetojë ata që merren me blerjen e votës e nxitjen e dhunës


Bëhu pjesë e Grupit Zyrtar të Opinion.al
>> KËTU <<
               Publikuar në : 15:31 - 23/04/21 |
Opi Nion

Ambasadorja e SHBA në Tiranë, Yuri Kim i është drejtuar Prokurorisë së Posaçme (SPAK) që të ndjekë penalisht personat që shkelin dhe pengojnë të drejtën e qytetarëve për të votuar.

Përmes një statusi në rrjetet sociale, Kim thotë se duhet të hetohen ata që merren me shit-blerjen e votës, intimidimin e qytetarëve ose nxitjen e dhunës.

“Ne e nxisim SPAK-un të ndjekë penalisht ata që shkelin ligjin dhe pengojnë të drejtën e qytetarëve për të votuar lirshëm dhe në paqe. Kjo përfshin ata që merren me blerjen e votës, intimidimin ose nxitjen e dhunës. SPAK po heton në mënyrë aktive për krimet e zgjedhjeve. Raporti i plotë sot”, shkruan ajo.

SPAK ka nxjerrë ditën e sotme shifrat dhe ka dhënë informacion për denoncimet e bëra deri tani që kanë të bëjnë me zgjedhjet elektorale. Në total janë paraqitur 91 materiale, ku 55 u përkasin partive politike. Më konkretisht janë 50 kallëzime nga PD, 3 nga LSI, 1 nga PS dhe 1 nga FRD. Ndërsa, 18 raste janë referuar nga Institucioni i Presidentit të Republikës. /Opinion.al

Pas