KE shtyn publikimin e progres-raportit

BRUKSEL- Kriza e emigracionit bën që Komisioni Evropian të shtyjë për herë të dytë publikimin e progres-raporteve vjetore për vendet tjera kandidate dhe kandidatet potenciale për anëtarësim në Bashkimin Evropian. Progres-raportet parashikoheshin të publikoheshin në datën 14 tetor. Por publikimi i tyre është shtyrë fillimisht për datën 21 tetor, për shkak të zhvillimi të samitit të 28 liderëve europianë këtë javë në 15 dhe 16 tetor. Por sipas Komisionit Europian, fokusi duhet të mbetet tërësisht te kriza e emigracionit edhe për disa ditë, ndaj publikimi i progres-raporteve mund të shtyhet në fund të tetorit, më mënyrë që ato të kenë vëmendjen e duhur mediatike.“E vërteta është se progres-raportet për zgjerimin publikohen normalisht në këtë periudhë të vitit. Nuk është se ka një date fikse për publikimin e tyre. Javët që lamë pas treguan se çështja më e rëndësishe aktualisht që kërkon përqëndrimin e të gjitha energjive tona, është zgjidhja e krizës së refugjatëve. Kjo është më me rëndësi tani. Të enjten zhvillohet samiti i liderëve europianë dhe prioritet absolut është në këtë samit është zgjidhja e krizës së refugjatëve. Kur të mbyllet kapitulli i diskutimit mbi këtë krizë, do të kalojmë te publikimi i raporteve për zgjerimin. Është një detyrim i Komisionit Europian dhe e vetmja aryse për të cilën po e shtyjmë, është t’i japim vëmendjen e duhur publike dhe mediatike”, theksoi zëdhënësi i KE-së, Margaritis Shinas.
Mendohet se çështja kryesore e shtyrjes së progre-raporteve është propozimi i Komisionit Europian për mbështetjen e Turqisë në pritjen e refugjatëve në territorin e saj dhe ndalimin e kalimit të tyre në kontinentin europian, si edhe krijimi i një zoine sigurie për mbajtjen e refugjatëve brenda Sirisë, të kontrolluar nga Turqia. /abcnews/