Në faqen zyrtare të QKR-së, kompania “Megapharma” është një shpk e përbërë nga 4 aksionerë, e themeluar më 16 Qershor të vitit 1994. Administratorë dhe aksionerë të kompanisë janë Robert Çina, Rasim Hamzaraj dhe Arba Merkoçi, ndërkohë që aksioneri i katërt është Petraq Gramo. Sipas esktraktit historik të QKR-së, dy aksionerët kryesorë të kompanisëm Robert Çina dhe Rasim Hamzaraj posedojnë përkatësisht, një shumë të barabartë aksionesh, prej 33.30%, ndërsa pas tyre vjen Arba Merkoçi me 30%, ndërkohë që Petraq Gramo, posedon vetëm 3.4% të aksioneve të kësaj kompanie.
Po sipas të dhënave të publikuara në QKR, vihet re se në Qershor të vitit 2005, Rasim Hamzaraj i shton aksionet e tij në kompani, duke blerë aksionet e Shani Peposhi, njëri nga themeluesit aksionerë të kompanisë, që tashmë largohet prej saj.
Dy vjet më pas Hamzaraj shet një pjesë të aksioneve tek Robert Çina, që tashmë hyn si aksioner i ri në shoqëri. Në vitet që pasuan, aksionet e secilit nga anëtarët e shoqërisë kanë ndryshuar brenda tyre, derisa në vitin 2009, shoqërisë i bashkohet edhe Arba Markoçi, e cila blen aksione nga aksioneri Petraq Gramo.
Përgjatë aktivitetit të saj në vite, kompania ka zgjeruar disa herë fushën e veprimtarisë, duke mbërritur nga tregtim medikamentesh në: (“Ne fushen e import-eksport, rieksportim, shitje me shumice e pakice te medikamenteve te te gjitha llojeve per njerez dhe kafshe, materiale higjeno-sanitare, bime mjeksore, paisje dhe linja prodhimi ne fushen e shendetesise, aparatura e paisje mjeksore, lende te para e produkteve farmaceutike, etj.”).
