Kronikë

Inskenoi vetëvrasjen/Gruaja u masakrua nga burri, detaje nga vrasja në Fier



Bëhu pjesë e Grupit Zyrtar të Opinion.al
>> KËTU <<
               Publikuar në : 15:30 - 08/02/22 |
Opi Nion

Valdete Manaj, 50 vjeç, u raportua se kishte vrarë vetën, ndërsa në trupin e saj janë gjetur plagë të shumta.

Gjatë këqyrjes së trupit të viktimës, ato që i ranë në sy hetuesve ishte thika në kraharor, ndonëse në trupin e saj kishte edhe damarë të prerë.

50-vjeçarja u vra mëngjesin e kësaj të marte nga bashkëshorti, në shtëpinë e çiftit në Fier. Pasi i mori jetën gruas, ai tentoi të inskenonte ngjarjen, duke deklaruar se ajo ishte vetëvrarë për shkak të depresionit.

Petrit Manaj, njoftoi fillimisht kunatin duke i thënë se e motra kishte vrarë veten. Por duket se përballë skenës, autoritetet policore dyshuan se bëhej fjalë për vrasje. I vënë përballë fakteve në polici, 56-vjeçari duket se nuk pati rrugë tjetër përveçse të pranonte krimin e rëndë.

Shkak për ngjarjen? Sipas të gjitha të dhënave të deritanishme, xhelozia.

Petrit Manaj dhe Valdete Manaj jetonin në këtë lagje të Sheqit të Madh në Fier. Ata ishin prindër të dy djemve, një prej të cilëve jeton në emigrim. Gruaja mësohet se punonte si shitëse në një dyqan veshjesh në qytetin e Fierit.

Në momentin e ngjarjes ata ishin të vetëm në banesë./tvklan.al

Pas