Aktualitet

Incidenti në QSUT/ Barrela ngec në ashensor, gjak në pllaka. Pamje të rënda


Bëhu pjesë e Grupit Zyrtar të Opinion.al
>> KËTU <<
               Publikuar në : 14:44 - 16/05/22 |
Opi Nion

Pamje të rënda vijnë nga aksidenti i ndodhur me ashensorin në QSUT ku mbeti e dëmtuar rëndë një paciente 80-vjeçare, e cila sipas abc neës është duke luftuar me vdekjen te Trauma.

Sikurse duket në foton e mëposhtëme, në momentin kur zjarrfikësit shkuan për të nxjerrë prej ashensorit personat e ngecur aty, barrela e pacientes është zënë nga ashensori duke e dëmtuar rëndë atë.

Në foto po ashtu vërehet se në pllaka gjendet sasi e madhe gjaku. Krahas 80-vjeçares, i dëmtuar mbeti edhe barrelisti i QSUT-së, i cili ka pësuar dëmtime në të dyja këmbët e tij.

Policia ka shoqëruar tashmë teknikun përgjegjës për mirëmbajtjen e ashensorit, tenderin për të cilën e kishte fituar kompania “Sulollari Klima” kundrejt 24 milion lekëve. Sipas abc se në pyetje është marrë edhe pronari i kompanisë, Ardian Sulollari.

Ndërkohë lidhur me aksidentin ka reaguar edhe QSUT. QSUT bëri me dije se stafi mjekësor i ka dhënë menjëherë ndihmën e nevojshme nevojshme pacientes dhe barrelambajtësit, të cilët mbetën të lënduar.

Më pas pacientja është konsultuar me specialistët për këtë lëndim, si dhe vijoi konsultat dhe ekzaminimet për sëmundjen dhe pas kryerjes së skanerit me kontrast, rezultoi me tromboemboli pulmonare, diagnozë për të cilën është në mbikqyrjen e ekipit mjekësor.

Ndër të tjera QSUT informon se, të gjithë ashensorët janë në një sistem mirëmbajtje të plotë nga kompania e kontraktuar për shërbimin e mirëmbajtjes, të cilat kryhen periodikisht, sipas kontratës në fuqi./Opinion.al

 

 

 

Pas