Kryesore

Iku me leje prindërore, Ministrja kërkon shfuqizimin për Gjin Gjonin


Bëhu pjesë e Grupit Zyrtar të Opinion.al
>> KËTU <<
               Publikuar në : 13:32 - 20/10/18 |
b.f

Ministrja e Drejtësisë Etilda Gjonaj ka dalë sot përpara mediave për t’i kërkuar KLD-së shfuqizimin e një vendimi të marr lidhur me gjyëtarin Gjin Gjoni.

Ministrja iu referua një vendimi të marr në mbledhjen e KLD, sipas të cilit  gjyqtari Gjoni lejohet të marr një leje prindërore 2-vjeçare për të qëndruar pranë familjes në Gjermani, duke qenë se i ka ardhur në jetë një fëmijë.

Por këtë vendim, Ministrja e Drejtësisë e konsideron një përpjekje për t’i shpëtuar vettingut.

“Në këtë mbledhje që është një deja vu e turpshme, kërkesa në fjalë është shqyrtuar në mënyrë të paligjshme në fund të mbledhjes. Në kundërshtim të hapur me parashikimet ligjore të kodit të procedurave administrative, në mungesë kuorumit të nevojshëm, madje duke përfshirë edhe votën e Gjin Gjonit i cili ka votuar si kurrë më parë për veten e vet. Vendimi haptas në shkelje të KLD është hasur edhe gjatë mbledhjes. KLD në publikimin që ka bërë në faqen e saj e ka mbajtur të fshehtë vendimin e marr për gjyqtarin Gjin Gjoni, ndërkohë që procesverbali e tregon qartë lejen e marr”, tha Ministrja, duke i kërkuar KLD shfuqizimin e kësaj lejeje.

“Nisur nga përgjegjësia ime si ministre dhe anëtare e KLD do i drejtohem këtij institucioni ta shfuqizojë si të pavlefshme këtë vendimarrrje. Në të kundërt kërkesa do t’i drejtohet gjykatës shfuqizimin e saj dhe largimin nga sistemi të gjithë atyre që kanë ngritur dorën kundër ligjit”, tha Gjonaj.  / Opiniona.l

Pas