Bota

I zhdukur prej dy javësh, fotoreporteri ukrainas gjendet i vdekur afër Kievit


Bëhu pjesë e Grupit Zyrtar të Opinion.al
>> KËTU <<
               Publikuar në : 16:46 - 02/04/22 |
Opi Nion

Fotoreporteri ukrainas, Maks Levin, u gjet i vdekur afër Kievit, pasi kishte qenë i zhdukur për më shumë se dy javë, tha këshilltari presidencial, Andriy Yermak.

“Ai u zhduk në zonën e konfliktit më 13 mars në rajonin e Kievit. Trupi i tij u gjet pranë fshatit Guta Mezhigirska më 1 prill”, tha ai përmes një postimi në Telegram.

Reporterët pa Kufij konfirmuan lajmin përmes një postimi në Tëitter, duke thënë se Levin u vra sikurse edhe pesë gazetarë të tjerë që prej se Rusia nisi pushtimin e paprovokuar të Ukrainës.

“Shënjestrimi i gazetarëve është krim lufte”, tha kjo organizatë, duke shtuar se Levin ishte “i paarmatosur dhe kishte të veshur jelekë të gazetarëve”.

Zyra e Prokurorit shtoi se sipas gjetjeve paraprake, Levin “u qëllua dy herë për vdekje me një armë të vogël zjarri, nga oficerët” e ushtrisë ruse.

Levin, 40 vjeç, baba i katër fëmijëve, po punonte me shumë media ukrainase dhe ndërkombëtare, përshirë edhe Reuters, BBC dhe Associated Press./REL

Pas