Kronikë

I biri person problematik, pista kryesore e hetimit për vrasjen e ish-policit


Bëhu pjesë e Grupit Zyrtar të Opinion.al
>> KËTU <<
               Publikuar në : 09:19 - 01/11/21 |
Opi Nion

Detaje të reja kanë dalë pas ekzekutimit të ish-policit, Xhelal Reçi mëngjesin e sotëm në qytetin e Laçit. Dyshohet se Xhelal Reçi është ekzekutuar për shkak të të birit, Besnikut. Kjo është edhe pista kryesore ku autoritetet po hetojnë për momentin.

Policia po krijon lidhjet me atentatin e dështuar për eleminimin fizik të Besnik Reçit një viti më parë. Burime nga grupi hetimor për Klan News bëjnë me dije se Besniku njihej si një person tejet problematik. Ai kishte krijuar konflikte me shumë persona në Laç e më gjerë, ndërsa i ati, Xhalali, njihej si njeri i urtë dhe i qetë.

I biri, që prej kohës që i është bërë atentati, ka qëndruar pothuajse i fshehur dhe nuk ka lëvizur në ambiente të hapura, për shkak të frikës se mund ta vrisnin. I ati, me eksperiencën e ish-policit është munduar disa herë për të shuar problemet e të birit, ka ndërhyrë tek personat me të cilët ka pasur probleme por mesa duket nuk ia ka dalë, pasi mbeti i vrarë mëngjesin e sotëm në afërsi të bizneseve të tij./Opinion.al

Pas