-U tha në Opinion

Hoxha: Grupet kriminale kanë informatorë brenda policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 23:09 - 08/06/20 |
Opi Nion

Duket se Elbasani po paraqitet një qytet problematik porsa i takon çështjeve me krimin. Për gazetarin Artan Hoxha tashmë  situata nuk mund të zgjidhet thjesht dhe vetëm nga policia, ndërsa gazetari tha në “Opinion” se grupet kriminale kanë informatorë brenda radhëve të policisë.

Hoxha: E keqja në Elbasan është se ndryshe nga qytete të tjera si Shkodra, policia ka bërë arrestime vazhdimisht dhe ata kanë dalë. Dhe vetë KÇK nisi kur dolën kundërshtarët.

Fevziu: Si shpjegohet që për këto ngjarje nuk ka autor?

Hoxha: Sepse grupet janë shumë të fuqishme  dhe që para se të veprojnë mendojmë si të tërhiqen, mendojnë të mos lënë gjurmë. Ata kanë informatorë brenda radhëve të policisë.

Fevziu: Vetë grupet kriminale?

Hoxha: Sigurisht, vetëm para një jave personi i kërkuar u ka shpëtuar minutën e fundit. Si është e mundur që e mori vesh, pikërisht orarin kur do ndërhynte Renea. Dhe po flasim për një qytet që nuk është 8 orë larg nga Tirana.

Ndërkohë, gazetari Spartak Koka tha se për rastet në Elbasan kanë prishur prova që janë hequr nga dosjet hetimore.

“Provat kanë rrjedhur rrugës, janë hequr nga dosjet hetimore, janë prishur edhe atëherë kur kanë qenë . Prokuroria e Elbasanit, Policia e Elbasanit e di shumë mirë për çfarë provash e kam fjalën. Sidomos për ngjarjet e vitit 2016 kur u prishën provat dhe krijoi këto situata kur grupet po kërkonin të gjenin mbështetje tek institucionet ligjzbatuese, policinë apo përmes gjyqtarëve dhe prokurorëve, tha Koka./Opinion.al

 

Pas