Një fshat i vogël francez bëri histori duke zgjedhur kryetaren e parë transgjinore në vend. Marie Cau, e cila fitoi zgjedhjet në fshatin Tilloy-lez-Marchiennes, tha që gjinia e saj nuk përbënte problem në fushatën e saj, dhe se votuesit e zgjodhën atë për programin e saj social.
“Njerëzit nuk votuan për mua sepse unë isha ose nuk isha transgjinore. Ata votuan për një program dhe për vlerat e tij,”- tha ajo. “Lidhja sociale është zhdukur. Banorët donin ndryshim.”
Një menaxhere biznesi me përvojë në bujqësi, ajo ka jetuar në fshat për 20 vjet dhe përballet me sfida të rëndësishme gjatë kohës së saj të parë në zyrën politike.
Që nga fillimi i tranzicionit të saj 15 vjet më parë, Cau ka jetuar pa asnjë diskriminim në fshat, ajo thotë:
“Njerëzit janë të sjellshëm, pavarësisht disave”.
Ajo e pranon që zgjedhja e saj si kryetare e bashkisë mund të ndihmojë në promovimin e faktit “që njerëzit transgjinorë mund të kenë jetë normale shoqërore dhe politike”.
“Lufta kundër transfobisë, gjithashtu kërkon ushtrimin e përgjegjësive politike ose publike. Urime Marie Cau!’- u shpreh sekretari i shtetit për barazi gjinore, Marlène Schiappa./Opinion.al
