1nstant

Gigi Hadid: Sëmundja preku familjen, kujdesesha për ta kur isha fëmijë

               Publikuar në : 14:00 - 10/02/19 |
el ena

Gigi Hadid është rrëfyer së fundmi për jetën e saj të hershme. Ajo u shfaq në kopertinën e revistës Elle të këtij muaji dhe ka zbuluar disa gjëra nga fëmijëria që nuk i dinim. Gigi tregon se kur ishte ende e vogël, mamaja, motra dhe vëllai u prekën të tre nga një sëmundje që quhet “Lyme”.

Ky infeksion shkaktohet nga një bakter i quajtuar Borrelia dhe shpërndahet nga insektet. Shkakton njolla të skuqura në të gjithë trupin dhe nëse nuk kurohet, shoqërohet me dhimbje, paralizë faciale, dhimje koke, ethe, probleme me zemrën e shumë të tjera.

Gigi ishte e vetmja nga familja që nuk u prek nga sëmundja dhe për ditë me rradhë i është dashur të gatuante, të çonte vëllain në shkollë dhe të kujdesej për të gjithë.

Ndihesha edhe disi fajtore që isha e vetmja në familje që nuk mund t’i kuptonte atë që po kalonin. Është e vështirë kur e gjithë familja vuante dhe unë nuk dija çfarë të bëja,” tha ajo.

E pyetur edhe për marrëdhënien me motrën dhe konkurrencën në punë, Gigi u përgjigj se mes saj dhe Bellës  nuk ka të tilla probleme.

“Bella dhe unë kemi stile shumë të ndryshme. Një punë që kërkon Bella-n nuk është një punë për të cilën unë jam e duhura,” tha Gigi./E.L

Pas