Aktualitet

Gazetari gjerman i BILD ironi me Ramën: E pabesueshme…


Bëhu pjesë e Grupit Zyrtar të Opinion.al
>> KËTU <<
               Publikuar në : 18:05 - 21/08/20 |
el ida

Gazetari i gjermanes “BILD”, Peter Tiede, ka reaguar me ironi mbi faktin se kryeministri Edi Rama, tentoi të negociojë krizën politike në Bjellorusi në statusin e kreut të OSBE.

Përmes një reagimi në “Facebook”, gazetari që lëshoi alarmin për vjedhjen e votave në Shqipëri në vitin 2017, shkruan se është  e pabesueshme që Edi Rama dëshiron të negociojë në krizën bjelloruse.

“Pa shaka: Edi Rama tentoi të nisë negociata me Lukashenkom dje. Për OSBE-në. E pabesueshme”, shkruan gazetari.

Kujtojmë se gazeta gjermane BILD ka publikuar më 5 qershor të vitit 2019 një artikull në internet, i cili akuzon kreun e qeverisë shqiptare se ka përdorur paratë e mafies për të blerë vota gjatë fushatës së zgjedhjeve parlamentare të vitit 2017. BILD e ilustronte këtë akuzë me përgjimet telefonike ku sipas tyre, dëgjoheshin perfaqësues të partisë qeverisëse që komunikonin me pjesëtarë të krimit të organizuar.

Kreu i qeverisë shqiptare, Edi Rama, asokohe hodhi poshtë këto akuza dhe nëpërmjet një mesazhi në Twitter tha se do padisë gazetarin gjerman, Peter Tiede./Opinion.al

Pas