Aktualitet

“Frymëzuese”, Meta pret një nga shqiptaret më të suksesshme në Angli


               Publikuar në : 12:21 - 16/02/20 |
Al Do

Arta Çika është një histori suksesi e një vajze shqiptare e cila tashmë jeton në Angli ku po zhvillon doktoraturën e saj në Universitetin e Oksfordit ne departamentin e shkencës së inxhinierisë. Ajo u përzgjodh në dhjetorin e vitit 2019 mes 100 grave që kanë marrë çmimin e rëndësishëm ‘TechWoman’. Për këtë arritje, ajo ishte e ftuar në ceremoninë e organizuar nga presidenti Meta në Ditën Ndërkombëtare të Grave në Shkencë.

I lumtur të takoja Arta Çikën, një shkencëtare të re dhe fituese të çmimit “TechWomen100” për vitin 2019 në Mbretërinë e Bashkuar, e cila këtë vlerësim ja ka dedikuar Shqipërisë, ku dhe mori dijet e para. Frymëzues mesazhi i saj drejtuar të gjithë të rinjve e të rejave shqiptare për të ëndërruar fort dhe për të mos u ndalur në përpjekjet për t’i realizuar ato në Atdheun tonë të dashur.”, ka shkruar presidenti Meta në Facebook.

Arta ka marrë dy diploma Masteri Shkencor në Inxhinieri Informacioni dhe Inxhinieri Kompjuterike nga Politekniku i Torinos dhe Telecom ParisTech në 2015-ën.

Para fillimit të doktoratës së saj, ajo punoi për një kompani telekomunikacioni në Francë. Arta është fituesja e bursës IRCN dhënë nga Universiteti i Tokios.

Përveç arritjeve të saj akademike, Arta është thellësisht e përfshirë në promovimin e grave në STEM. Ajo është anëtare e komitetit ne shoqatën e grave në fushën e inxhinierisë në Universitetin e Oksfordit dhe pjesë e Programit RisingËISE (Gratë në Shkencë dhe Inxhinieri).

Ajo ka një rol drejtues në Women in Engineering Society në Universitetin e Oxfordit ku aty organizojnë shumë evente në Oxford dhe qytetet rreth e rrotull për të promovuar gratë.

Pasi u vlerësua me këtë çmim TechWoman100” në Angli, ajo vendosi t’ia dedikojë të prekurve nga tërmeti në Shqipëri. /Opinion.al

Pas