Mazhorancës i duheshin dje me patjetër votat në parlament për të shembur Teatrin Kombëtar dhe kështu nuk kishte si të mungonte as Rrahman Rraja, babai i Rexhepit që ndodhet në burg për dhunimin e të dashurës, Xhesiela Maloku.
Deputeti i Krujës, Rraja, fill pas skandalit të të birit, pësoi një incident duke dëmtuar këmbën e djathtë. Ai u shfaq dje në sallën e parlamentit duke ecur me paterica. Fotografi zyrtar i PS, Agim Rama është kujdesur të kapë në foto gjithë lëvizjes e Rrajës; në sallë duke votuar e mandej në oborrin e parlamentit duke iu drejtuar makinës së tij. Siç shihet qartë Rraja ka ardhur pa shofer në parlament. Në rrjetet sociale kanë plasur “meme”-t dhe qytetarët ngrenë pikëpyetje: Si ka mundësi që Rrahman Rraja mund të ngasë makinën kur ka të dëmtuar këmbën e djathtë?!
Po kështu ka terhequr vemendjen edhe makina e tij luksoze.
