Aktualitet

“Foltorja prej hallit”/Bamir Topi:Berisha gaboi në shpalljen e Kuvendit Kombëtar


Bëhu pjesë e Grupit Zyrtar të Opinion.al
>> KËTU <<
               Publikuar në : 19:02 - 30/10/21 |
Opi Nion

Ish-Presidenti Bamir Topi ka folur për situatën e krijuar në Partinë Demokratike si dhe nismën e ish- kryeministrit Berisha, “Foltorja”.

Topi theksoi se Partia Demokratike është në krizë teksa tha se Basha dhe Berisha e kanë marrë peng Partinë Demokratike.

 “Në Partinë Demokratike kriza ka dalë në shesh. Sot, këtë e pranojnë me shumë natyrshmëri të gjitha palët. Padyshim që janë këta dy individë e kanë marrë peng PD. Partitë krijohen jo për t’i shërbyer individëve, por qytetarëve. Këtu ka ndodhur një proces i kundërt me evolucionin, këtu po ndodh një tkurrje. Janë dy individë që deri në fillim të shtatorit kanë qenë bashkë. Ka vetëm dy rrugë, ose kanë qenë bashkë, ose tani po del në pah një hiprokrizi. Nuk po e njoh më Berishën. Berisha ka qenë një njeri që gjithmonë është ekspozuar, por për gjërat që kanë të bëjnë me ekzistencën e PD dhe kryetarit të partisë, ai hesht. Kur vjen problem tek lëkura e tij del dhe vendoset në një pozicion sa të pabesueshëm dhe satirik. Kur unë i gjykoj të dy, i shoh si një person i vetëm. Njëri është pjellë e tjetrit. I riu mori drejtimin e PD në 2013 në një garë të padrejtë. E ul karakterin dhe figurën e Berishës. Berisha gati ka marrë bazën e Partisë së Lulzim Bashës” – tha Topi për news24.

Për nismën “Foltorja” të ish-kryeministrit Berisha, Topi tha: Është një komunikim prej halli, por jo se nuk ka të drejtë në raport me drejtimin e PD, por e gjithë kjo mbyllet në binomin Berisha-Basha, ata të dy s’kanë kujt t’ia hedhin përgjegjësinë për këtë punë.

Po ashtu, ish-presidenti nënvizoi se Berisha ka gabuar me shpalljen e Kuvendit Kombëtar, pasi sipas tij duhej bërë nga struktura të tjera, duke qenë se ish-kryeministri ka paralajmëruar se do të jetë në garë për rimarrjen e partisë.

S’më takon mua ta them. Mënyra e deklarimit për Kuvendin Kombëtar, e nxjerr Berishën jashtëzakonisht keq. Në eksperiencën e tij ai duhet të kuptonte se duke folur për një proces që do të jetë i implikuar vetë, duke ftuar të tjerë të jenë pjesë e garës, nuk e di, mua më duket si një njeri që ka në dorë jo vetëm PD, por edhe procedurat”, tha Topi./Opinion.al

 

Pas