-Kulturë

Fituesi i çmimit Oscar, bëhet profesor në Universitet


               Publikuar në : 19:58 - 29/08/19 |
xhu lia

Aktori i njohur dhe fituesi i çmimit Oscar, Matthew Mcconaughey do të nisë këtë vjeshtë një profesion të ri, atë të profesorit.

E në fakt nuk duket se bëhet fjalë për një rol në kinema, por vërtet për të qenë profesor në Universitetin e Teksasit ne Ostin.

Matthew Mcconaughey është diplomuar vetë në këtë universitet në vitin 1993 dhe do të jetë profesor i praktikës në “Kolegjin Moody për Komunikimin”, pjesë e Departamentit të Fakultetit të Radios, Televizionit dhe Kinematografisë.

Aktori i njohur ka dhënë dhe më herët leksione në këtë Universitet që në vitin 2015, por duket se tashmë është punësuar zyrtarisht.

“Jemi krenarë që të mirëpresim Profesor Mcconaughey-n, i cili i bashkohet Fakultetit tone. Matthew i ka shumë përzemër shkollën dhe studentët tanë dhe jemi shumtë e emocionuar që do të ndajë kohën dhe talentin e tij me ne, për të ndihmuar brezin e ri të liderëve të medias dhe novatorëve”,-tha Dekani Jay Bernhardt.

Ndërkohë vetë aktori u shpreh mjaft i emocionuar:“Lënda që do të jap mësim është lënda që gjithmonë kam dashur të kisha pasur kur isha unë student. Puna në klasë me studentët më jep një mundësi që t’i përgatis ata”, -tha vetë Mcconaughey. Ai ka realizuar mbi 50 filma në karrierën e tij si dhe është fitues i çmimit Oscar./Opinion.al/

Pas