Kryesore

Emri në dosjen e ish-Sigurimit/“Jam 1 milion% i pastër”,Meta:E di burimin e intrigës



Bëhu pjesë e Grupit Zyrtar të Opinion.al
>> KËTU <<
               Publikuar në : 14:02 - 29/07/22 |
Opi Nion

Kreu i Partisë së Lirisë, Ilir Meta ka deklaruar edhe një herë që është i pastër dhe se s’ka qenë bashkëpunëtor i Sigurimit të Shtetit. “Jam 1 milion % i pastër”,-ka thënë ish-presidenti.

Ndërsa tha se është një akt i orkestruar dhe se i di autorët, teksa shtoi se bëhet për të hequr vëmendjen nga vjedhjet dhe skandalet e qeverisë.

“Autoriteti i Dosjeve e di se jo vetëm Ilir Rexhep Meta s’ka qenë bashkëpunëtor i Sigurimit të shtetit se është e provuar në 1996 në kohën e të madhërishmit Berisha e në komisione, por ata e dinë kush ka qenë bashkëpunëtori në rastin konkret sepse ndodhet në dy dosje.

Ashtu sikurse ata që kanë orkestruar këtë skenar e dinë që Ilir Meta s’ka jetuar në konvikt e s’ka pasur mundësi të spiunojë ndonjë shok në konvikt.

I ndjekuri, që është ndaluar dhe kërcënuar nga sigurimi i shtetit , këtë çështje nuk e ka diskutuar asnjëherë me Ilir Metën sepse s’kishte në plan Meta të arratisej në atë kohë, por të dilte me 10 dhe të qëndronte pedagog në fakultet. Ata të Dosjeve do mbajnë përgjegjësi për sjelljen e rëndë që kanë bërë dhe në atë shkresë të turpshme që i kanë dërguar Kuvendit dhe do mbajnë përgjegjësi individuale personat e përfshirë, ish xhelat të sigurimit të shtetit e me radhë. Dosja e kishte shumë të lehtë që nëse kishte indicie, sepse Ilir Meta në çdo rast, ka firmosur një kërkesë për tu verifikuar dhe ka bërë të qartë që s’ka qenë bashkëpunëtor i sigurimit të shëtit dhe nëse dosjes i dilte një fakt tjetër kishte të drejtë të padiste. Ata do mbajnë përgjegjësi ligjore për këtë çështjeje dhe po studiohet. Jam 1 mln përqind i pastër, e dinë shumë mirë këtë gjë, e dinë historinë. E di burimin e kësaj intrige për të manipuluar opinionin publik”,-tha Meta.

Pas