Aktualitet

Emri/70 mijë lekë për t’i kthyer patentën një qytetareje, arrestohet efektivi i policisë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:23 - 02/12/22 |
Opi Nion

Një efektiv policie i Tiranës është arrestuar pasi akuzohet për shpërdorim detyre.

Mësohet se në pranga ka rënë efektivi Alkid Ndreu, 47-vjeç, me detyrë specialist i Policisë Rrugore dhe anëtar i Komisionit të Gjobave në varësi të Drejtorisë së Policisë së Tiranës.

Pas disa ditësh hetime nga Agjencia e Mbikëqyrjes Policore u zbulua se 47-vjeçari Ndreu kishte marrë përmes një sekseri një shumë prej 70 mijë lekësh, për t’i dhënë një qytetareje patentën që e kishte të bllokuar me një afat 3 mujor.

Paraprakisht mësohet se hetimet nisen në rrugë operative nga Agjencia e Mbikëqyrjes Policore e ndërsa dosja është referuar në Prokurorinë e Tiranës.

Bëhet me dije se, qytetarja me iniciale B. D. e kishte të bllokuar lejen e drejtimit nga data 24 nëntor deri më 17 shkurt të vitit 2023, por përmes ryfshetit ka arritur që ta marrë lejen e saj të drejtimit.

Po ashtu, në pranga ka rënë Eduart Caka nga Kruja i cili përmes njohjeje ka marrë shumën e parave nga shtetasja B.D dhe ia ka dhënë efektivit Ndreu. Caka akuzohet për korrupsion pasiv dhe ushtrim i ndikimit tek personat me funksione publike. Në gjendje të lire, por e përballur me të njëjtat akuza ndodhet edhe shtetasja B.D.

Sipas Tv Klan, hetimet për këtë rast janë duke u ndjekur edhe për një tjetër punonjës policie anëtar i komisionit. Gjithashtu është sekuestruar edhe Kartoteka e Komisionit të gjobave për t’u verifikuar afro 2 mijë leje drejtimi, për të verifikuar nëse ka pasur ose jo abuzime edhe me raste të tjera.

Pas