Kronikë

Emrat/ Vrasje për gjakmarrje, 2 shqiptarë në kërkim për ekzekutimin e malazezit


Bëhu pjesë e Grupit Zyrtar të Opinion.al
>> KËTU <<
               Publikuar në : 14:59 - 12/10/21 |
Opi Nion

Dy shqiptarë janë shpallur në kërkim pasi akuzohen se kanë vrarë shtetasin malazez Momçillo Gjurishiç në Ulqin. Ngjarja ka ndodhur në lokalin e tij më 4 korrik të 2021.

Vincenc Pirolli, 34 vjeç dhe Dorjan Lala, 35 vjeç janë të akuzuarit kryesor për këtë ngjarje që dyshohet se ka ndodhur për shkak të gjakmarrjes.

Gjakmarrja lidhet me një vrasje në 2017, ku djali i 68-vjeçarit Momçillo Gjurishiç, Savo Gjurishiç ka vrarë me arme zjarri 53-vjeçarin Beqë Likaj 53 vjeç.

Në një konferencë për media shefi i policisë së Malit të Zi Boshkoviç tha se “gjatë hetimit janë dokumentuar prova të mjaftueshme që janë shfrytëzuar gjatë largimit nga vendi i ngjarjes i të akuzuarve”.

Po ashtu ai theksoi se dy shqiptarët në kërkim janë futur ilegalisht në Malin e Zi dhe kanë vrarë 68-vjeçarin në lokalin e tij në Ulqin.

Dy të rinjtë mendohet të jenë në Shqipëri, pasi kanë kryer vrasjen dyshohet se ata janë larguar përmes pikës kufitare Sukobine-Muriqan. Policia e Malit të Zi po bashkëpunon me atë shqiptare për kapjen e dy shqiptarëve./Opinion.al

 

Pas