Dy persona janë arrestuar në Tiranë, pasi akuzohen për shpërndarje të lëndëve të forta narkotike.
Sipas informacioneve, në pranga kanë rënë Ismail Alushi, 57 vjeç, pasi në rrugën “Zef Serembe”, gjatë kontrollit të ushtruar në banesën e tij, u gjetën dhe u sekuestruan në cilësinë e provës materiale rreth 500 doza heroinë, shuma të konsiderueshme parash, 1 automjet, 1 aparat celular dhe 1 DVR.
Policia njofton se u arrestua në flagrancë edhe Franc Gurraj, 24 vjeç, pasi gjatë kontrollit fizik dhe në banesën e tij të marrë me qira në zonën e Astirit u gjetën 34 doza me lëndë narkotike kokainë si dhe një sasi me lëndë narkotike kanabis, të cilat u sekuestruan së bashku me një peshore elektronike dhe 1 aparat celular./Opinion.al
KOMENTO (0)
