Dy të rinj në Vlorë të zhdukur prej dy muajsh, prindërit denoncojnë në polici

Dy të rinj rezultojnë të zhdukur prej dy muajsh në qytetin bregdetar të Vlorës, por lajmi është bërë publik sot.

Denoncimi në polici është bërë nga prindërit e dy të rinjve të cilët thonë se prej dy muajsh nuk kanë asnjë kontakt me fëmijët e tyre.

Mësohet se dy të zhdukurit janë Ervis Troqe dhe Albano Xhaferri të cilët ishin shokë me njëri-tjetrin. Ervis Troqe është zhdukur disa ditë pas Albano Xhaferrit.

Prindërit i bëjnë apel policisë që të gjejë dy djemtë, pasi nuk e dinë fatin e tyre.