Opinion.al ka siguruar fotot të dy ortakëve të kompanisë “Masabi Fruits”, në kontejnerin e së cilës u gjetën sot 140 kg kokainë e ardhur nga Ekuadori. Kontejneri transportonte banane, por në tavanin e tij ishin fshehur rreth 200 pako me kokainë.
Dy ortakët e kompanisë janë Erion Petin, si dhe ortaku i tij Klajdi Xibraku. Mësohet se ky i fundit, ishte personi i cili ishte paraqitur për të bërë zhdoganimin e mallit. Nga ana e këtyre dy personave është mohuar përfshirja në rrjetin e drogës.
Ndërkohë në 200 pakot e kapur me kokainë, në disa prej tyre kishte mbishkrime si ‘El Mejor” (më e mira) dhe ‘Viejon’ (i moshuar). Ndërkohë në një pako ishte stampuar edhe imazhi i “mbretit” të drogës Pablo Escobar.
KOMENTO (0)
