Te Fundit

Dogjani “ia plas” Zotos në surrat: 100 euro për një leje burgu


Bëhu pjesë e Grupit Zyrtar të Opinion.al
>> KËTU <<
               Publikuar në : 11:23 - 05/10/15 |
b.f

TIRANË- Ka qenë një ditë jo e lehtë për drejtorin e Përgjithshëm të Burgjeve, Artur Zoto i cili kishte shkuar në Komisionin e Sigurisë për diskutimin e një ligji të ri për burgjet e hapura. Deputeti Asllan Dogjani, deputet i PD në këtë legjislaturë, edhe ish-deputet i PS hodhi akuza të rënda ndaj Artur Zotos. “Sot një leje një ditore në burgje kushton 100 euro, për një vizitë po ashtu​. Korrupsioni është shumë i madh. Kështu u shpreh Asllan Dogjani, duke lënë disa minuta pa fjalë drejtorin e Burgjeve.

Ka qenë deputeti socialist, Paulin Sterkaj që ka ndërhyrë duke i kërkuar Dogjanit ta denoncojë. “Denoncoje o Asllan në prokurori, pse na i thua ne këtu? “, iu drejtua Sterkaj-Dogjanit.

Më pas u mbrojt Zoto, duke thënë se është krenar se ka ndryshuar praktikën e lejeve. “Lejet janë të monitoruara. Jam krenar për modelin shumë të mirë. Për herë të parë kemi ndryshuar planifikimin e lejeve. Të dënuarit e dinin datën e lejes. Nga 5,7 ditë në 48 orë për lejen e veçantë. Forcuam kriteret dhe ulëm korrupsionin”, u shpreh ai.

Ndërsa përsa i përket draftit të ri që ka mbërritur në Kuvend, ai parashikon burgje me regjim të hapur, ku dënimi kryhet me masa sigurie minimale. Të dënuarit me 5 vit burg, gjatë ditës mund të punojnë dhe në darkë duhet te paraqiten në qeli.

Asllan Dogjani1397475959-zoto_1

KOMENTO (0)

Shkruaj nje koment

    Pas