Aktualitet

Dita e pavarësisë, Meta-Vjosa Osmanit: Shqipëria gjithmonë pranë Kosovës


Bëhu pjesë e Grupit Zyrtar të Opinion.al
>> KËTU <<
               Publikuar në : 08:48 - 17/02/21 |
Doriana Çepunaj

Presidenti i Republikës Ilir Meta ka uruar ditën e sotme 13-vjetorin e pavarësisë së Kosovës.

Nëpërmjet një mesazhi urimi, drejtuar Presidentes së Kosovës Vjosa Osmani, kreu i shtetit shqiptar ka përshëndetur përpjekjet dhe arritjet e deritanishme në ndërtimin dhe konsolidimin e institucioneve.

Sipas Presidentit Meta, zgjedhjet elektorale, të cilat u mbajtën para pak ditësh në Kosovë treguan maturi dhe pjekuri politike. Gjithashtu Meta konfirmoi mbështetjen e Shqipërisë kundrejtë Kosovës.

“Shqipëria do të jetë gjithmonë pranë Kosovës në të gjitha sfidat e ardhshme, e bindur se maturia politike dhe përgjegjshmëria shtetërore e demonstruar gjatë këtyre 13 viteve Pavarësi, do të vijojnë të shoqërojnë përpjekjet e mëtejshme për konsolidimin e shtetit dhe kurorëzimin në një kohë të afërt të liberalizimit të regjimit të vizave, si dhe për avancimin e procesit të integrimit euro-atlantik të Kosovës.
Zgjedhjet e mbajtura para pak ditësh në Kosovë treguan maturi dhe pjekuri politike të qytetarëve të Kosovës, si dhe dhanë një shembull demokracie se si duhet të mbahen zgjedhjet dhe të respektohet rezultati i tyre.”-
shkruan ndër të tjera Presidenti.

MESAZHI I URIMIT TE PRESIDENTIT
E nderuar Zonja Presidente në Detyrë,

Festimi i 13-vjetorit të Pavarësisë së Republikës së Kosovës, më jep kënaqësinë e veçantë t’ju përcjell juve dhe nëpërmjet jush të gjithë qytetarëve të Kosovës, urimet më të ngrohta e vëllazërore.
Përfitoj nga rasti, që në këtë ditë të rëndësishme jo vetëm për qytetarët e Kosovës por edhe për të gjithë shqiptarët kudo ndodhen, të përshëndes përpjekjet e jashtëzakonshme dhe arritjet e deritanishme në ndërtimin dhe konsolidimin e institucioneve, duke sjellë më shumë stabilitet e begati për Kosovën, si dhe shndërruar atë në faktor të rëndësishëm bashkëpunimi, për paqen në rajonin tonë.
Shqipëria do të jetë gjithmonë pranë Kosovës në të gjitha sfidat e ardhshme, e bindur se maturia politike dhe përgjegjshmëria shtetërore e demonstruar gjatë këtyre 13 viteve Pavarësi, do të vijojnë të shoqërojnë përpjekjet e mëtejshme për konsolidimin e shtetit dhe kurorëzimin në një kohë të afërt të liberalizimit të regjimit të vizave, si dhe për avancimin e procesit të integrimit euro-atlantik të Kosovës.
Zgjedhjet e mbajtura para pak ditësh në Kosovë treguan maturi dhe pjekuri politike të qytetarëve të Kosovës, si dhe dhanë një shembull demokracie se si duhet të mbahen zgjedhjet dhe të respektohet rezultati i tyre.
Uroj që krijimi i institucioneve të reja të dala nga rezultati i zgjedhjeve të fundit, të jetë sa më i shpejtë, në interes të qytetarëve të Kosovës dhe përparimit në proceset integruese të vendit.

Bashkëpunimi vëllazëror dhe Partneriteti Strategjik mes Shqipërisë dhe Kosovës, meriton të fuqizohet dhe konkretizohet në të gjitha fushat, në veçanti për t’ju dhënë një mundësi e perspektivë sa më të madhe të rinjve për të ndërtuar të ardhmen e tyre të sigurtë europiane, në vendet tona dhe për të ndalur shpopullimin.
Shqipëria është e vendosur për të mbrojtur Pavarësinë, integritetin territorial dhe vendimin e Gjykatës Ndërkombëtare të Drejtësisë për Kosovën.
Me urimet më të mira për këtë ditë të shënuar për Republikën e Kosovës, ju lutem pranoni, e nderuar Zonja Presidente në Detyrë, shprehjen e konsideratës sime më të lartë.”- shkruan Meta.

Më herë ka qenë Kryeministri Edi Rama që ka uruar shqiptarët për ditën e Pavarësisë së Kosovës. Përmes një postimi në rrjetin e tij social Facebook, duket se Rama ka zgjedhur një mënyrë të veçantë për të uruar 17 shkurtin, datë kur 13 vjet më parë u shpall pavarësia e Kosovës.

Kreu i qeverisë ka publikuar një foto ku shfaqet këngëtarja me origjinë shqiptare Dua Lipa me flamurin shqiptar dhe atë të Kosovës.

Kosova feston sot 13-vjetorin e shpalljes së pavarësisë. Të dielën e 17 shkurtit 2008 në orën 15:39 në Kuvendin e Kosovës u lexua Deklarata e Pavarësisë./Opinion.al

Pas