TIRANË- Në raportin përfundimtar të ODIHR nuk ka një vlerësim për cilësinë e zgjedhjeve të 21 qershorit. Ndersa kritikat mbi procesin në raport me publikimet paraprake të vëzhguesve jane thelluar. Modeli i fletës së votimit sipas ODIHR krijon mundësine e identifikimit të saj me votuesin për shkak të një rekordi me sekuencë numri serial. Ndaj ky është një prej 23 rekonmandimeve që ODIHR i ka lënë detyrë shpie Shqipërisë për ndërhyrjet në Kodin Zgjedhor. ODIHR konstaton se mungon besimi tek zgjedhjet e lira dhe kjo për shkak të fenomentit të shit-blerjes së votës, i cili rekomandohet të zgjidhet në mënyrë efektive në ligj.
Vëzhguesit pohojnë presionin e shtetit mbi punonjësit e administratës publike, arsim, shëndetësi apo bashki, që u detyruan të dalin në fushatë dhe u kërcënuan me vendin e punës nëse nuk votonin koalcionin qeverisës “Aleanca për Shqipërinë Europiane”.
Në raport nënvizohet tensioni në Vorë, por jo vetëm, ku në shumë raste votuesit ishin nën vëzhgimin e grupeve të aktivistëve të partive. Për presionin e LSI në Vorë raportet cilësohen të besueshme, sipas ODIHR, ndërsa sillet në vëmendje edhe bllokimi i biznesit të kandidatit të djathtë nga Ministri i Bujqësisë.
Mbetet ndër rekomandimet e ODIHR një administratë zgjedhore jo politike, ndërsa vijoi goditjen ndaj Komisionit Qendror të Zgjedhjeve për vendime me dy standarde. .
