Kryesore

Debatet, PD: Basha nuk e ka etiketuar anëtarësinë si antiamerikane


Bëhu pjesë e Grupit Zyrtar të Opinion.al
>> KËTU <<
               Publikuar në : 18:11 - 20/09/21 |
Opi Nion

PD ka reaguar pas debateve në mbledhjen e kryesisë së grupit parlamentar mes deputetit Flamur Noka dhe kryedemokratit, Lulzim Basha lidhur me vendimin për përjashtimin e Sali Berishës nga grupi parlamentar.

PD sqaron se se Basha është shprehur në mbledhje që SHBA janë aleati i PD për një Shqipëri të zhvilluar dhe askush nuk mund te cenojë aleancën dhe partneritetin mes Partisë Demokratike dhe SHBA-ve. Në deklaratë theksohet se në asnjë moment kreu i demokratëve nuk i ka cilësuar anëtarët e PD anti-amerikanë.

“Në lidhje me spekulimet që qarkullojnë mbi mbledhjen e sotme të Kryesisë së Grupit Parlamentar të PD-së, Partia Demokratike deklaron: Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale. Z. Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cënojë aleancën dhe partneritetin mes Partisë Demokratike dhe SHBA-ve”, thuhet në deklaratën e Partisë Demokratike./ Opinion.al

Pas